اسباب ظهور حب الشباب وازالة وعلاج حب الشباب

اسباب ظهور حب الشباب وازالة وعلاج حب الشباب

قبل ما نتعرف على اسباب ظهور حب الشباب، افضل علاج لحب الشباب من الصيدليه، كريم لازالة حب الشباب سريع المفعول اللي هيتقال خلال الفقرات الجاية في المقال، لازم نعرف إيه هو حب الشباب وإيه أشكاله.
حب الشباب هى حبوب وتكتلات بتظهر على البشرة وبيكون شكلها إما بثور براس بيضا أو سودا، وبتختلف الحبوب من نوع بشرة للتانية لكن البشرة الدهنية هي أكتر نوع بيعاني منه، والحبوب بتشوه شكل الوش عشان كده هنقول الأسباب وطرق العلاج منها.

اسباب ظهور حب الشباب

في أسباب كتير ممكن تتسبب في ظهور حب الشباب، لكن الأساس اللي كله بيدور حواليه هو سد مجرى بصيلة الشعر، وفي الحالة دي البشرة مش بيبقى عندها مجال تتنفس فيه، وكمان لو البشرة دهنية بتجذب التراب وهو من الحاجات اللي بتسد المسام، ومنها بيرجع للجينات والتاريخ المرضي للعيلة، ومنها اللي هقولكوا عليه دا:

  • وجود زيادة في الزهم أو الشحم.
  • سد المسام بخلايا ميتة أو عصارة حليبية.
  • إصابة الجلد بالجراثيم والبكتيريا.
  • تغيير في الهرمونات بالجسم زي سن البلوغ للشباب والبنات.
  • إستخدام دوا أو مستحضر مش مناسب لنوع البشرة.
  • الأكل بشكل غلط وغير صحي، زي التيك أواي والأكلات السريعة التحضير، وكمان في أبحاث بس مش لسه شغالين فيها بتقول إن الشوكولاته بتسبب حب الشباب.
  • المشاكل النفسية بتزود حب الشباب وبتتسبب في مشكلات للبشرة.

افضل علاج لحب الشباب من الصيدليه

في أكتر من طريقة نقدر نعالج بيها حب الشباب ونتخلص منه نهائي، ومنها بالليزر والعمليات الجراحية وكده، بس كمان في علاجات بتتباع بتقدر تسيطر على حب الشباب وتخلص البشرة منه، ودلوقتي هقولكوا افضل علاج لحب الشباب من الصيدلية، في طريقتين من العلاج بالأدوية وهو إما علاج بالبرشام والكبسولات أو علاج موضعي:

أولًا: العلاج الموضعي لحب الشباب:

هي عبارة عن دهانات بتدهن على البشرة مكان حب الشباب مباشرةً، وهي بتجفف العصارة الحليبية وبتشيل الطبقة الزيتية، وبالتالي بتتخلص من الجراثيم، كمان بتشيل الطبقة الميتة من الجلد، زي كريمات التقشير اللي بتستخدم عشان تتخلص من الطبقة الأولى واللي جفت نتيجة إنها إتعرضت لأشعة الشمس والهوا المحمل بالبكتريا والجراثيم.

ومعظم الكريمات بتكون داخل في تكوينها مادة بنزويل بيروكسيد، كبريت، حمض اللاكتيك، الساليسيليك، لكن المواد دي بتعالج الحبوب الخفيفة والبسيطة، لكن لو حادة لازم إشراف طبي

 

ثانيًا: العلاج بالأدوية لحب الشباب:

بتعتمد الطريقة دي على تناول مضادات حيوية تجفف الحبوب، ولكن ممكن تجمع بينها وبين العلاج اللي قولناه فوق الموضعي، أو العلاج بالليزر مثلًا.

كريم لازالة حب الشباب سريع المفعول

بالصيدلية موجود كريم لازالة حب الشباب سريع المفعول، تقدروا تشتروه بسهولة وبيستخدم بطريقة بسيطة وسهلة، ولكن من الأفضل الرجوع لدكتور الجلدية قبل الإستخدام، وهو مش نوع كريم واحد بس لكن في أنواع كتير منها:

  1. أولًا: لاروش بوزيه ايفاكلار ديو.
  2. ثانيًا: افين ترياكنيل.
  3. ثالثًا: فيوسيدين مرهم.
  4. رابعًا: فيوسيدرم مرهم.
  5. خامسًا: كلينداسول كريم.
  6. سادسًا: محلول اكنيمايسين.
  7. سابعًا: أكرتين كريم.
  8. ثامنًا: إيزيس جليكو.

كل الأنواع دي من الكريمات مفيدة ومهمة لعلاج حب الشباب، ومنهم المضاد الحيوي ومنهم مقشر لطيف على البشرة، لكن العلاج من حبوب الشباب ممكن ياخد وقت طويل، يعني مش في أسبوع أو إتنين لا ممكن يوصل لشهور طويلة.

افضل علاج حب الشباب للبشرة

اسباب ظهور حب الشباب، افضل علاج لحب الشباب من الصيدليه، كريم لازالة حب الشباب سريع المفعول دا كل اللى قولناه خلال المقال، ولكن من الأفضل الرجوع للطبيب المختص لمعرفة الحالة بالكامل والعمل على علاجها بالشكل الصحيح.

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!