البشرة الجافة، علاج البشرة الجافة، ماسك للبشرة الجافة

علاج البشرة الجافة

علاج البشرة الجافة و ماسك للبشرة الجافة دول من أكتر الحاجات اللي بتبحث عنها البنات أصحاب البشرة الجافة، وده عشان بتحاول إنها تلاقي حل لجفاف بشرتها وخصوصًا في فصل الشتاء.

علاج البشرة الجافة وماسك البشرة الجافة

لكن النهاردة هنعرفك عزيزتي إزاي تعتني وتعالجي بشرتك وتهتمي بيها، من خلال طريقة العلاج وأحسن الماسكات المناسبة للبشرة الجافة، والهدف منها زيادة ترطيبها ونضارتها لإشراقة أجمل كل يوم.

البشرة الجافة

في عوامل كتير بتخلي البشرة تبقى جافة، وعشان كده لازم نحافظ عليها ونعتني بيها ونزودها بالترطيب اليومي اللي بتحتاجه، من أهم العوامل المؤدية للبشرة الجافة هي:

  • التعرض للبرودة أو الرياح الشديدة وكمان أشعة الشمس لوقت طويل.
  • التقدم في السن.
  • إتباع نظام تغذية غير مناسب ومش بيحتوي على خضروات بتدي رطوبة للبشرة.
  • غسل البشرة بالمية الساقعة.
  • قلة شرب الميه بكميات كافية في اليوم.
  • المكياج ومستحضرات التجميل.
  • إستعمال غسول أو صابون غير مخصص للبشرة الجافة.
  • ومن الأمراض اللي بتتسبب في جفاف البشرة هو الإسهال الشديد، فهو بيخلي الجسم يخسر السوائل كلها وبيقشر الجلد.

إزاي أعرف إني صاحبة بشرة جافة؟

في شوية علامات لو ظهرت على بشرتك يبقي إنتي من أصحاب البشرة الجافة، ووقتها لازم تدوري على طرق الترطيب والعلاج؛ ومنها:

  • إنك تعاني من تقشير الجلد بإستمرار.
  • تحسي بإنك عايزة تهرشي كتير.
  • بشرتك بتبقى لونها باهت ومفهاش نضارة ولا ملمسها طري.
  • لو إبتدت تظهر عندك علامات الشيخوخة في سن بدري.
  • لو إستخدمتي الغسول بيتهيج وشك بسرعة جدًا.

 

علاج البشرة الجافة

كل نوع بشرة وله مشاكلة واللي لازم نلاقيلها علاج، ودلوقتي هنقول طريقة علاج البشرة الجافة:

علاج البشرة الجافة بالكريمات المرطبة

أول حاجه بتساعدك إنك ترطبي بشرتك الجافة وتعالجيها هي الكريمات المرطبة والطريقة الطبية، ودي هتلاقيها في الصيدليات وأكتر الكريمات الطبية هتلاقي مكتوب عليها مخصص للبشرة الجافة، وده لأن دايمًا هتلاقي المكون الأساسي فيها هي الدهون والزيوت الطبيعية.

وصفات طبيعية لعلاج البشرة الجافة

الوصفات الطبيعية واللي تقدري تنفذيها في البيت بشوية مكونات كتير منها بيبقى متوفر، واللي منها مثلًا: زيت الزيتون، العسل النقي، زيت جوز الهند، الزيوت الطبيعية بكل أنواعها، زبدة الشيا وزبدة الكاكاو وزبدة اللوز، كمان بعض مشتقات الألبان بتدي ترطيب ممتاز زي الزبادي والحليب.

 

ماسك للبشرة الجافة

أفضل ماسك للبشرة الجافة هيساعدك في علاجها وكمان وصفات تانية هنعرفك إزاى تعمليهم حالًا:

 

✓خليط أفضل الزيوت المرطبة للبشرة الجافة

المكونات:

  • زيت الزيتون.
  • زيت جوز الهند.
  • زيت اللوز.
  • زيت البلح.
  • خلاصة الرمان أو يسمى زيت الرمان وممكن الإستغناء عنه.
  • عسل نحل طبيعي.
  • جلسرين.

الطريقة: بنخلط كل المكونات اللي فاتت مع بعض لحد مانلاقيه بقى شبهه الكريم، نوزعه على البشرة من بليل لحد الصبح ونشطفة بميه فاترة.

 

ماسك البشرة الجافة من الصبار أو جل الألوفيرا الحليب عوامل مهدئة للبشرة الجافة

بتخلطي المكونين بمعدل متساوي يعني معلقتين لكل منهم، وبعد كده بتدهني بيه بشرتك وسيبيه لحد ما ينشف خالص، وبعدين إغسليه بميه فاترة والوصفة دي ينفع تتكرر أكتر من مرة في اليوم.

 

ماسك البشرة الجافة من الصبار والأفوكادو والعسل كعلاج فعال لجفاف البشرة

الأفوكادو يحتوي على كميات كبيرة جدًا من مضادات الأكسدة والدهون والفيتامينات، وكل دول بيساعدوا في علاج وتحسن البشرة، المكونات هي:

  • حبة أفوكادو.
  • معلقة صبار جل” تقدروا تلاقوه في الصيدلية أو العطار”.
  • معلقة عسل.

الطريقة: بتخلطي المكونات وتحطية على وشك ورقبتك وتوزعيه كويس، سبيه ربع ساعة أو ٢٠ دقيقة بعد كده إشطفيه ميه فاترة، تقدري تستخدميه بشكل يومي أو مرتين في الأسبوع.

 

ماسك البشرة الجافة من زبدة الشيا والقهوة عشان البشرة تكون ناعمة

أهم علاج للبشرة الجافة على الإطلاق هي زبدة الشيا، وبالأخص لو تضاف عليها القهوة لأنها مقشر طبيعي، المكونات:

  • معلقة زبدة شيا.
  • معلقة قهوة صغيرة.

الطريقة: إمزجي المكونات وإفركي بيهم بشرتك بشكل دائري، وسيبيه حوالي نص ساعة و اغسليه بميه فاترة.

وضحنا لكم علاج البشرة الجافة و ماسك للبشرة الجافة.

اسباب حب الشبابتبييض اليدينعلاج البشرة الدهنيةوصفة لتخسيس البطنالعناية بالبشرةالعناية بالشعركيفية التخلص من حب الشباب –  اسباب ظهور حب الشبابافضل علاج لحب الشبابعلاج حب الشبابوصفة لازالة حب الشباب من اول مرةعلاج وازالة اثار الحبوب وحب الشباب للبشرة الدهنيةعلاج الهالات السوداءكريم تفتيح البشرة

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!