بشرتك لامعة دايمًا بشكل ملفت؟ محتاجه لعلاج يخفي اللمعان ويشيله؟ طيب محتاجة علاج البشرة الدهنية؟ سؤالك دا إجابته إنك أولًا بشرتك دهنيه، وهقولك على علاج مفيد جدًا ليها، بس قبل العلاج لازم نعرف إيه هي البشرة الدهنية، وإزاي نعتني بيها ونحافظ عليها، كما هقولك على طريقة علاج البشرة الدهنية، ماسكات للبشرة الدهنية، لما تستخدميهم وتمشي على الطريقة مظبوط هتحسي بالفرق.

أولًا تعالي أعرفك ايه هي البشرة الدهنية

البشرة الدهنية هي إنك لما تحطي إيدك على بشرتك تلاقيها كأنها زيت أو دهون، وكمان ناعمه زياده وفيها لامعة غريبة، وهي أصلا المسام اللي فيها بتكون واسعة، ونسيجها خشن وسمكه كبير، وعلطول البشرة الدهنية بيبقى فيها رؤوس سودا وبيضا زي حبوب الشباب، وكل الحاجات بتخلي المكياج بتاعك مش بيقعد طول اليوم.

بس أقولك البشرة الدهنية مش وحشه، وفيها مميزات كتير تعالي أعرفهالك:

• بتخلي وشك علطول شكله صغير في السن، ومش بتخلي الشيخوخة وعلاماتها تظهر لك.
• عشان فيها لمعان بتبان إنها صحية ومتغذية.
• التجاعيد اللي بتكون حوالين الشفايف والعيون مش بتقرب من البشرة الدهنية، عشان كده هتفضلي صبية علطول.
• لما تمشي على خطوات علاج البشرة الدهنية، ماسكات البشرة الدهنية اللي هقولك عليهم بعد كده، هتلاقي وشك بقى جميل جدًا.

الأسباب اللي بتكون البشرة الدهنية

في أسباب ممكن تخلي بشرتك دهنيه، هقولهالك في نقط بسيطة كده:

• العوامل الوراثية بتكون سبب يعني هتلاقي ماكاك أو باباكي أو حد من عيلتك بشرته كده.
• ممكن يكون بسبب مرض الغدة الدهنية، وخصوصًا وقت المراهقة وفترة الحيض.

• التنضيف الكتير للبشرة بمنظفات كتيرة.

علاج البشرة الدهنية بكريمات وماسكات البشرة الدهنية

علاج البشرة الدهنية بيخلينا لازم نراعيها ونعتني بيها ومش هي بس لازم نعتني بكل أنواع البشرات كمان وكل يوم، ودا عن طريق تلت مراحل تعمليهم كل يوم وهما: غسل وتنضيف البشرة كويس جدًا- تقفلي المسام- كريمات مرطبة بقى للبشرة، والحاجات دي هتخلي وشك صحي وجميل، هكلمك عن كل خطوة فيهم بالتفاصيل:

أولًا: تنضيف البشرة الدهنية بعمق

البشرة الدهنية هي أكتر نوع بشرة بيحتاج للعناية اليومية، ودا عشان الدهون اللي بتبقى عليها واللي بتخلي التراب والجراثيم يوصلها بسهوله، وعشان مسامها بتكون واسعه بتدي مساحة للتراب والميكروب إنه يدخل للجسم، وبيسدوا المسام وعشان كده بتتكون حبوب الشباب.

وطريقة تنضيفها هي:

• لازم تستخدمي منظف يكون طبي و خاص بالبشرة الدهنية.
• لازم تغسلي إيدك كويس وعلى طول عشان الميكروبات متتنقلش من إيدك لوشك، والأفضل إنك متحطيش إيدك عليها.
• إوعي تستخدمي الصابون اللي فيه عطور، الأحسن إنك تستخدمي صابون طبي أو الصابون اللي مفيهوش ريحة.
• دلكي بشرتك بحركة دائرية ومن جوه لبره.
• متغسليش وشك أكتر من مرتين باليوم، عشان الغسيل الكتير بيهيج البشرة ويعملها حساسية.
• بلاش تستخدمي البخار في تنضيف وعلاج البشرة الدهنية، عشان الغدد بتتأثر بالحرارة العالية.

ممكن تحتاج برضه: رجيم رمضان – في الصحة دكتور – دليل الدكاترة – دليل الدكاترة في مصر – رجيم سريع – رجيم اتكنز – تخسيس الكرش – رجيم النقاط – اسباب حب الشباب – حمية غذائية – تبييض اليدين

ثانيًا: غلق مسام البشرة الدهنية

بعد ماتنضفي بشرتك لازم تقفلي المسام كويس، ودا بإنك تستخدمي تونيك مكتوب عليه للبشرة الدهنية، ودا عشان مش هيكون فيه كحول ويكون زي مية الورد، كمان ممكن تستخدميها أفضل.

ثالثًا: ترطيب البشرة الدهنية

عشان بشرتك تفضل متوازنة ومظبوطة لازم ترطبيها، وخصوصًا بالكريمات اللي فيها فيتامين هاء، عشان بيخلي البشرة فيها حيوية ونشاط وتبان شبابية أكتر، وكمان المرطب اللي بيبقي متكون من النحاس والزنك وفيه كمية كبيرة من الميه بيكون أفضل كريم.

ماسكات للبشرة الدهنية

في ماسكات للبشرة الدهنية كتير بتقشر البشرة الدهنية وبتعالجها منها:

• ماسك العسل والليمون والموز.
• ماسك القرع العسلي والزبدة.
• مقشر اللوز والشوفان.
• مقشر الليمون وحبات السكر.
• مقشر البذور وعبارة عن ( بذور المشمش، والعنب) ومحطوط عليهم الجوز.
• التقشير بدقيق الرز، وهو بيدي أحسن نتيجة وكمان بيستخدم كتير، وتقدري تستخدميه كل يوم، وكمان بيناسب كل البشرات.
• الملح.
• زيت الزيتون والقهوة المطحونة خشن.
• زيت الزيتون وحبات السكر الخشن.

البشرة بتكون حساسة جدًا وبشرة الوش أكتر من بشرة الجسم، وعشان كده بنصحك بإنك تعتني بيها كل يوم، وخصوصًا البشرة الدهنية ولازم تستمري على طرق علاج البشرة الدهنية، ماسكات البشرة الدهنية اللي قولتلك عليهم.