عادات صحية في رمضان, 30 عادة صحية في رمضان

30 عادة صحية في رمضان

اتباع عادات صحية في رمضان  أمر مهم جداً وهنا في موقع في الصحة هنقدملكم أكتر 30 عادة صحية في رمضان مهمة، طبعا مع حلول شهر رمضان الكريم علينا بييجي معاه زيادة الوزن والخمول والإحساس بأن الواحد مش قادر يتحرك اصلا من مكانه، المشكلة الأكبر في أن الإحساس ده مش بيجي في الوقت الي بنكون فيه صايمين بس لأ ده بيجي بعد الفطار اكتر من الصيام.

30 عادة صحية في رمضان

ده طبعا بيكون بسبب الفطار المتين إلى بيتاكل زي المحشي والبط  والرقاق وبعديها بقى ندخل في حلويات شرقية ملهاش آخر ولا ليها حل زي الكنافة والقطايف ملوك رمضان اللى الناس بتستنى من السنة للسنة عشانهم مخصوص.

و طبعا نخلص من كل ده ندخل في السحور الجامد البيض بقى بالزبدة و الفول بالزبدة و العيش وكده، وبعد كده طبعا هنلاقي الوزن زاد يجي ٣ أو ٤ كيلو في يومين او تلاته، علشان بقى منحسش بكل ده و نقضي شهر رمضان وروحانياته و نكون بصحة.

عادات صحية في رمضان

هنقول النهاردة على 30 من العادات الصحية في رمضان لو  مشيتوا عليهم هيخلص رمضان وانتوا خاسين كمان يجي 10 كيلو.

1.      شرب الميه كتير في رمضان

رمضان أكتر شهر في السنه الجسم بيكون محتاج فيه الميه علشان يعوض حالة الجفاف المؤقته إلى بتكون موجودة وإحنا صايمين، وبالرغم من كده للأسف اكتر حاجه منسية في رمضان هي شرب الميه، وده طبعا ليه مشاكل صحية كتيرة جدا زي إرهاق الكلى الشديد وجفاف الجلد، علشان كده ابدأ فطارك على كوباية مايه فاتره و حاول انك تشرب كوباية ميه كل ساعة لحد الفجر، ده يعوض جسمك عن المياه الي بيفقدها طول اليوم ودي عادة من 30 عادة صحية في رمضان.

2.      تناول التمر

طبعا السنة عن الرسول صلى الله عليه وسلم ان احنا نبدأ الإفطار بالتمر، وللأسف أن معظم الناس بتبتدي بالعصير اللي مليان سكر.

3.      تناول الخضروات

طبعا في الفطار الاهتمام الأكبر في الأكل بيروح للرز و الطواجن واللحوم و غيرها من الاكل الدسم ده، وبيتنسي خالص الخضار المطبوخ، مع أنه افيد حاجه تتاكل ساعة الفطار، اهتم دايما باكل الخضار أكثر من باقي الأكل.

4.      الإبتعاد عن الحلويات

مشكلة الحلويات في رمضان هي رفعها لسكر الدم بطريقة مبالغ فيها، بسبب هبوط مستوى السكر في الجسم بسبب ساعات الصيام الطويلة، وتجنب أكل الحلويات بكثرة و يمكن أكل قطعة واحدة بحجم علبة الكبريت فقط.

5.      أخذ وجبة بين الفطار والسحور

بين الفطار والسحور حاول تاكل وجبة خفيفة علشان متتعبش وانت صايم، زي طبق خضار أو عصير فواكة فريش أو زبادي بالشوفان، و ابتعد تماما عن الأكل الدسم.

6.      الإكثار من أكل الخس و الجرجير

اكل الخس و الجرجير في سلطة أو حتى من غير سلطة شئ مفيد جدا، بسبب رفعهم مستويات الحديد في الجسم، كمان الخس فيه نسبة ميه هتزود الجسم بيها.

7.      المشي قدر المستطاع

يفضل المشي بعد الفطار بساعتين أو ساعة، علشان  الجسم يجدد نشاطه و الدورة الدموية تنشط بعد حالة الخمول الجزئي اللي بتكون موجودة في الصيام.

8.      الحلويات الصحية

طبعا الحلويات شئ ممنوع في رمضان بسبب أضراره على الجسم، و لوكنت من محبين الحلويات بشكل كبير ممكن تعملها بطريقة صحية، زي مثلا إنك تبدل السكر الأبيض بسكر الدايت، وأنك تبدل الدقيق الأبيض بدقيق الشوفان أو الدقيق الأسمر وهكذا.

9.      مشروبات صحية

العصاير الكتير حاجة مش كويسة للصحة خصوصا في رمضان، علشان هترفع مستويات السكر لأعلى حد، ممكن تبدلها بالعصير الصحي الي منغير سكر، أو إضافة سكر دايت أو ملعقة عسل ابيض.

10.  النوم كفاية

النوم اكتر حاجة بتكون متلخبطة في رمضان،مع ان لازم ننام من 6 لحد 8 ساعات، يفضل طبعا النوم بعد العشاء و نقوم للسحور ونصلي الفجر ونرجع للنوم من تاني.

11.  صلاة التراويح

ممارسة الرياضة إالى جانب الحفاظ على صلاة التراويح يمد الجسم بالطاقة والنشاط، لو مفيش وقت للمشي أو ممارسة أي نوع من الرياضة، فصلاة التراويح هتعوضك وتزودك بالنشاط اللازم.

12.  تناول الشوربة

قبل البدء في الإفطار حاول أن تتناول شوربة اولا قبل تناول الأكل، عشان الشوربة تخلي المعدة تستعد للأكل و ميحصلش تخمة وتعب.

13.  تقليل شرب الكافيين

شرب الشاي والقهوة كتير بين الفطار والسحور، يعرضك لتعب شديد في ضغط الدم العالي و الجفاف، يمكن شرب كوباية واحدة بس من الشاي أو القهوة و يفضل بعد العشاء عشان يكون في وقت كافي للجسم يرتاح قبل الصيام ودي من أهم عادات صحية في رمضان.

14.  البعد عن السكر الأبيض

حاول طول شهر رمضان انك تبدل السكر الأبيض بالسكر الدايت، علشان نسبة السكر تكون في حالة ثبات.

15.  لعب الرياضة

الرياضة تنشط الجسم بشكل كبير جدا، و علشان الجسم في رمضان ممكن يصيبه خمول، يفضل انك تمارس أي نوع من الرياضة التي تحبها بعد الفطار، وابعد تماما عن لعب الرياضة وقت الصيام لتجنب حدوث هبوط.

16.  التقليل من الرز والمكرونه

مقدار أكل الرز و المكرونه 3 ملاعق بس، متاكلش طبق من الرز أو المكرونة علشان نسبة السكر في الدم تكون مظبوطة.

17.  اكل زبادي في السحور

لازم اخد كوباية زبادي على السحور علشان تمد الجسم بالطاقة، وتريح المعدة من الأكل.

18.  تقسيم الوجبة الواحدة

مينفعش تكون الوجبات مفتوحة، لازم تكون متقسمة صح، ربع بروتين ربع دهون و نشويات و نص خضار للوجبة الواحدة.

19.  مشروبات الأعشاب

مهم جدا شرب النعناع والينسون والكراوية و غيرها من الأعشاب في رمضان، علشان تساعد الجسم على الراحة خصوصا المعدة.

20.  تقسيم الوجبات بشكل صحيح

لازم الوجبات تكون متقسمة ل 3 وجبات في رمضان، فطار و سناك و سحور،و البعد تمام انك تاكل زيادة عن اللزوم.

21.  التقليل من اللحوم

اكتر الأكلات الي بيكون الإقبال عليها كبير اللحوم الحمراء، المشكلة الي فيها انها ممكن تسبب النقرس و أمراض في الكلى ، ويجب عدم الإكثار من أكلها، يمكن أن تأكلها مرتين بس في الأسبوع.

22.  كثرة التسبيح

بالرغم من كل الفوائد الدينية الموجودة في التسبيح إلا أن كمان في فوائد صحية ، كثرة التسبيح بتخلي الريق رطب و بتبعد عنك احساس الجفاف الي في الحلق بسبب الصيام.

23.  نغسل الأسنان

عادة غسيل الأسنان مهمة جدا خصوصا في رمضان وهي من أهم وأفضل 30 عادة صحية في رمضان، فترات الصيام الطويلة  بتخلي رائحة الفم مش لطيفة، بس لما تحرص على غسل الاسنان هتقل الريحة دي.

24.  الابتعاد عن المقليات

مشكلة الأكل المقلي انها هترفع الكولسترول في الدم بشكل مبالغ فيه و ممكن ده يؤدي إلى أمراض في القلب بسبب كده حاول متاكلش مقليات خالص في رمضان أو حتى قلل منها بشكل كبير.

25.  البعد عن الأكل الذي يحتوي على الملح بكثرة

اكل المخللات الكتير عادة موجودة في رمضان بالرغم خطورتها، المخلل يحبس ميه في الجسم و بيعمل مشاكل في الكلى خصوصا في رمضان، حاول تبدل المخلل بأنواع خضار للحصول على فايدة أكبر.

26.  المضغ ببطء

عسر الهضم الي بيجي في رمضان بيكون سببه الأول هو الاكل بسرعة، حاول بقدر الإمكان مضغ الأكل بصورة بطيئة حتى لا تصاب بالأمراض.

27.  تناول الفاكهة

ممكن تبدل الحلويات بالفواكة، علشان هتديك طعم السكر اللي انت محتاجه و كمان هتديك فوائد كتيرة.

28.  عدم شرب الميه كتير على السحور

لما تشرب ميه كتير على السحور مش بتتخزن لتاني يوم، هي بس هتحسسك بعدم الراحة ووجع في البطن.

29.  البعد عن الأكل الجاهز

الأكل الجاهز بيكون فيه دهون كتير علشان يكون ليه طعم كويس، الدهون دي ممكن تعمل مشاكل صحية خطيرة، علشان كده الطبخ في البيتي افضل.

30.  الاهتمام بأكل السمك

السمك أكثر الأكلات المهدور حقها في رمضان، مع ان غناه ب الاوميجا و المعادن هيدي الجسم التغذية الي محتاجها في الصيام، حاول تاكل 3 مرات في الأسبوع سمك.

وبكده نكون وضحنا 30 عادة صحية في رمضان من أهم وأفضل عادات صحية في رمضان لازم نتبعها كويس جداً

رجيم رمضانرجيم سريعرجيم اتكنزتخسيس الكرش

error: Content is protected !!